27-Apr-2022 غیر عنوان

رمضان چَلا
              ،،،،،،،،،،،،،،
                  ❣️

بَن کے آیا تھا جو سب خوشیوں کا سامان، چَلا
اس لیے غم سے ہے نم آنکھ کہ رمضان چَلا

رب نے نازل کیا قرآنِ مقدس جِس میں
سب مہینوں کا بَنایا جسے سلطان چَلا

جِس کی آمد سے لگا جان میں جاں آئی ہے
اپنے عشاق کو کر کے وہی بے جان چَلا

ہائے رمضان تِرے جانے سے دِل ٹوٹتا ہے
کتنی جلدی تُو مِرے دِل کے اے ارمان چَلا

تیری خوشبو سے معطر تھی سبھی کی دھڑکن
کر کے اب دِل کے گلستاں کو تو ویران چَلا

تیری آمد سے جو بکھری تھی لبوں پر سب کے
ساتھ ہی اپنے لیے وہ سبھی مسکان چَلا

جِس کی سحری کا مزہ اور تھا افطار کا اور
مومنیں جِس پہ ہیں سَو جان سے قربان چَلا

زندگی باقی رہی گر تو ملے گا یہ ضرور
ورنہ توصیفؔ سمجھ آخری رمضان چَلا
        ،،،،،،،،،،،،،،،،،،،،،،،،،،،،،،

    ✍️از۔ توصیف رضا رضوی باتھ اصلی سیتا مڑھی بِہار انڈیا
+91 9594346926